Comme nascette l’umanità

Adamo sfastériàto s’avutava attuorno mmiez’ a chella nera spasulazione.

«Ca’ nun se vere manco nu’ cane…! E cche miseria! ‘Nciavissa sta pure quaccheduno ‘a cheste parti…»

O’ Pataterno ca o’ steve guardanno a’ copp’ o’ cielo, capett o’ chiuovo e’ chillu puveriello e pigliaie ‘e botta “la grande decisione”.

Dint’ a chillo stesso mumento Adamo s’appapagnaie, comm’a n’auciello, sotto a ‘na cerza.

Quanno se scetaie doppo ddoie ore, mentre s’aizava ‘a terra, verette appiér’ a isso ‘na “cosa” strana.

Stunàto ch’era ancora p’ o’ suonno, lapperlà nun capette.

…E’ capill luong….

…A’ faccia senza manco ‘nu pilo…

…’Mpietto chelle dduje cucuzzelle ca’ isso nun teneva…

…E ‘a parte ‘e vascio? Chell’ata cosa ca sta vota isso teneva e chill’ato no!

Nun se puteva fa capace.

«Nunn’è n’animale comm’ ‘all’ati…», murmuliava.

«E si è feroce? P’ a’ miseria… me sta guardanno fiss fiss! … E si sta affamato? Maronna mia chisto fa ‘e me nu’ muòrzo sulo».

E nunn’ o’ fernette manco ‘e penzà, ca facette nu’ zumpo arreto muorto ‘e paura.

Ma po’, se facette anema e curaggio, pigliaie cu na’ mano nu’ spruoccolo sfrunnato e chiano chiano se purtaie ‘e rimpetto.

«Chi si?! Che fai cca’!» …e c’ u’ bastone aizato, tremmanno, se ne jeva sempe chiù arreto.

«Nun te a’ movere ‘a lloco vicino, ‘aie capito? Si no… te scass’ a’ capa!»

O’ Pataterno ‘a lla’ coppa se facette nu’ cuofeno ‘e risate verenno chillu ‘nzallanuto accussì appaurato.

«Ma comme, ll’aggio dato a’ cumpagnia, ll’aggio fatto chella bella criatura e isso a vo’ piglià a mazzate…!»

O’ povero maronna, ca cchiù tempo passava e cchiù nun capeva, steva ancora ca’ mazza mmano pronto a fuj, quanno chella “cosa” strana accuminciaie

a parlà.

«Mi chiamo Eva», e languidamente s’accungiava e’ capille, e cu’ dduje mosse aggraziate se scutuliava a’ terra ‘a coppa e’ cosce.

«Sono la “donna”, e se non vado errata, tu sei Adamo, l’”uomo”…» e tutta vezzosa s’avutaie ‘e spalle pe’ cogliere nu’ pare ‘e sciure.

Adamo rummaneva annascuso.

Ma essa nun se perdette d’animo.

«Pecchè stai ‘lloco addereto ‘mpalato? Avvicìnate!»… e lle facette nu’ mièzo surrisillo d’ncoraggiamento.

Manco p’ a’ capa, o’ guaglione nun se muvèva ‘e nu palmo.

«Vien cca, accuòstete a me, nun avè paura».

Ma o’ capucchione… niènte! Rummanèva ‘nchiuvàto addò steva.

Allora Eva nun ne putette cchiù, e cu e’ mmane ’mpustate ncoppa e’ scianche dicette:

«Famm’ o’ piacere, ghietta chill’arnese, e fernescela ‘e fa o’ cacasòtto. Nun song malamente, io te so’ amica».

Adamo finalmente se sciugliette e se sentette cchiù rinfrancato.

Se piazzaie mmocca nu’ filo d’evera comme nu’ sicàrio e accuminiciaie a guardà chill’essere scanosciùto da cap a pére. E cchiù o’ guardava e cchiù lle piaceva.

Se senteva fràgnere ‘nguorpo na’ spécie d’attraziona.

«Neh, tu si sola o ‘nce ne stann ate comm’a te?», farfugliaie cu’ malizia.

«Accuiétate, e nu te crérere ‘e fa già o’ smurfiuso e… o’ galluzziello. Adduònate na’ vota pe’ sempe ca pe’ mo’ di “femmene” a stu munno ‘nce ne sta una sola, e chella

song io. Nun ‘aie capito ancora ca so’ muglièreta e l’aggia essere pe’ sempe?».

«E’ o’vero? Tu accussì dici?».

«Proprio accussì!», e si pigliajeno p’ a’ mano e se ‘uardarono dint’ all’uocchie.

«Adà, me sento tutto nu’ friccico ‘a fora e ‘a dinto».

«Pur’io, Evuccia mia!»

«Si?… e allora fa l’omme, muòvete! Accuminciammo sùbbeto a fa l’umanità!»

Come nacque l’umanità

Adamo annoiato s’ aggirava intorno a quella nera desolazione.

«Qui non si vede neanche un cane…! E che miseria! Ci dovrebbe stare pure qualcuno da queste parti…!»

Il Padreterno che lo stava guardando da su nel cielo, capì il cruccio di quel poveretto e prese immediatamente “la grande decisione”.

In quello stesso momento Adamo s’addormentò, come un uccellino, sotto a una quercia.

Quando si svegliò dopo due ore, mentre si alzava da terra, vide ai suoi piedi una

“cosa” strana.

Stonato che era ancora per il sonno, lapperlà non capì.

…I capelli lunghi…

…La faccia senza neanche un pelo…

… In petto quelle due “cucuzzelle” che lui non teneva…

…E verso giù? Quell’altra cosa che questa volta lui teneva e quell’altro no!

Non se lo poteva spiegare.

«Non è un animale come gli altri…», mormorava.

«E se è feroce? Per la miseria… mi sta guardando fisso fisso!.E se sta affamato?

Madonna mia questo fa di me un sol boccone».

E non finì neanche di pensarlo, che fece un salto all’indietro, morto di paura.

Ma dopo, si fece animo e coraggio,

prese in mano un ramo d’albero

sfrondato e piano piano si portò al suo cospetto.

«Chi sei?! Cosa fai qua?!»… e col bastone levato in alto, tremando, si allontanava

sempre più.

«Non ti muovere da dove stai, hai

capito? Se no… ti rompo la testa!»

Il Padreterno da lassù si fece

un sacco di risate vedendo quel

salame così impaurito.

«Ma come, gli ho dato la compagnia,

gli ho fatto quella bella creatura e lui la vuol prendere a bastonate…!»

Il poverino, che più tempo

passava e più non capiva, stava ancora

col bastone in mano pronto a scappare, quando quella “cosa” strana cominciò a parlare.

«Mi chiamo Eva», e languidamente

si riavviava i capelli, e con due mosse aggraziate si ripuliva della terra

le cosce.

«Sono la “donna”, e se non vado errata, tu sei Adamo, l’”uomo”… » e tutta vezzosa

si girò di spalle per cogliere due

fiori.

Adamo rimaneva nascosto.

Ma essa non si perdette d’animo.

«Perché stai là dietro impalato? Avvicinati!»… e gli fece un mezzo sorrisetto d’incoraggiamento.

Neanche per la testa, il giovanotto non si spostava di un palmo.

«Vieni qua, avvicinati a me, non aver paura».

Ma il capoccione… niente! Rimaneva inchiodato lì dove stava.

Allora Eva non ne potè più, e con le

mani impostate sui fianchi

disse:

«Fammi il piacere, getta via quell’arnese, e finiscila di fare il cacasotto. Non sono

malvagia, io ti sono amica».

Adamo finalmente si rilassò e si

sentì più rinfrancato.

Si piazzò in bocca un filo d’erba

come un sigaro e cominciò a

guardare quell’essere sconosciuto da capo a piedi. E più lo guardava e più gli

piaceva.

Si sentiva vibrare in corpo una specie

di attrazione.

«Neh, tu sei sola o ce ne stanno altre come te?», bisbigliava con malizia.

«Tranquillizzati, e tu non credere di fare già lo smorfioso e…il galletto. Sappi una volta per sempre che per ora di“femmine” a sto mondo ce ne sta una sola, e quella sono io. Non hai capito ancora che sono tua moglie e lo devo essere per sempre?».

«E’ vero? Tu così dici?».

«Proprio così!», e si presero per

mano e si guardarono negli occhi.

«Adà, mi sento tutta un fremito sia fuori che dentro».

«Pure io, Evuccia mia».

«Si?… e allora fa l’uomo, muoviti! Cominciamo subito a fare l’umanità!»

 Franco Lo Monaco

(da Fuori dalla Rete Dicembre 2023, anno XVII, n. 3)