O’ carusiello

Song stato pur’io guaglione…

Quanno? Tantu tiemp fa!

Chiuveva? ‘Nce stev’ o’ sole? Che mme ‘mpurtava… Dint’ o’ core l’ammore e l’allerìa s’appiccicavano comm’ a dduie creature guappetielli.

A’ notte, però, cche ppena…! Nun passava maie. Dint’ a’ chillu lietto ‘nturzuto me sentevo carcerato, e m’aizavo quannno a’ ggente rurmeva ancora. E m’accuminciavo a sbatter’ o’ cerviello pe’ penzà ‘e fa una, doie… ciento cose, luntano, però, ’a chillu vico addò stevo ‘e casa ca m’abbruciava sott’e’ pière.

Me vedevo mmiez’a chella miseria e me veneva a’ smania d’avutà o’ munno sotto e ‘ngoppa, ‘e scipparme ‘a cuollo chilli zinzili ca purtav ‘a tant’anne. Sunnavo ‘e fa o’ signore, d’essere quaccheduno ‘mpurtante e dignitoso.

Ma quanté vvote o’ cielo s’è stutato e ‘mmocca aggio sentuto o’ tuosseco ‘e na amara delusione p’o’ suonno buciardo d’o’ juorno primma.

M’allicordo ca ‘ncoppa ‘nu cummò viecchio, ca se teneva all’erta pe’ miraculo, appuggiato a tre piere tarlati e a ‘na casciulella caputata, tenevo ‘nu carusiello. E chisto sulo me deva pace, pecchè ‘lloco dinto ‘nzerravo tutt’e’ sparanze ca’ nun vulevan murì.

E accussì song passati ll’anni, tanti… nun o’ ssaccio quanti. O’ tiempo mo s’è stancato ‘e cuntamme ll’ore. E’ juorni mme ppiglio pe’ limmòsena d’a’ fortuna. Aiere vulette fa o’ cunto d’ a’ vita. M’era restato sulo chillu carusiello, pur’isso ormai d’epoca antiquata.

Nunn’era necessario, ma me pigliaie o’ sfizio ‘e verè adinto. Quanno o’ rumpietto, arravugliati mmiezo a ‘e feligne ‘nce steveno ‘nu par’ e’ vierme siccati e niente cchiù. S’erano rusecat’ e’ suonne, tutt’e’ speranze d’ a’ gioventù.

IL SALVADANAIO

Sono stato anch’io ragazzo…

Quando? Tanto tempo fa!

Pioveva? C’era il sole? Che m’importava… nel cuore l’amore e l’allegria si bisticciavano come due ragazzini prepotenti.

La notte, però, che pena…! Non passava mai. In quel letto bitorzoluto mi sentivo carcerato, e mi alzavo quando la gente dormiva ancora. E cominciavo a scervellarmi per pensare di fare una, due… cento cose, lontano, però, da quel vicolo dove abitavo che mi bruciava sotto i piedi.

Mi vedevo in mezzo a quella miseria e mi veniva la smania di girare il mondo sottosopra, di strapparmi di dosso quegli stracci che portavo da tanti anni. Sognavo di fare il signore, di essere qualcuno importante e dignitoso.

Ma quante volte il cielo si è spento e in bocca ho sentito l’amarezza di una cocente delusione per il sogno bugiardo del giorno prima.

Mi ricordo che sopra ad un comò, che si manteneva in piedi per miracolo, appoggiato a tre piedi tarlati e ad una cassetta capovolta, tenevo un salvadanaio. E questo solo mi dava pace, perché lì dentro conservavo tutte le speranze che non volevano morire.

E così sono passati gli anni, tanti… non so quanti! Il tempo ora si è stancato di contarmi le ore. I giorni me li prendo come elemosina della fortuna. Ieri volli fare il conto della vita. Mi era rimasto solo quel salvadanaio, anch’esso ormai di epoca antiquata.

Non era necessario, ma mi presi lo sfizio di vederci dentro. Quando lo ruppi, aggrovigliati fra le ragnatele c’erano due vermi rinsecchiti e niente più. Si erano rosicchiati i sogni, tutte le speranze della gioventù.

Franco Lo Monaco